संत्रा, मोसंबी, लिंबू सल्ला*

🌳 *कृषिसमर्पण* 🌳

🍊 *संत्रा, मोसंबी, लिंबू सल्ला* 🍊

डिसेंबर महिन्यामध्ये लिंबूवर्गीय फळबागेमधील विविध स्थिती असून, त्यानुसार योग्य काळजी घ्यावी.

_*- डाॅ एम. एस. लदानिया, दिनकरनाथ गर्ग*_

https://www.facebook.com/groups/1793392297578307/

🍊 *अांबीया बहर व्यवस्थापन* 🍊

- अांबीया बहराच्या फळ तोडणीनंतर वाळलेल्या फांद्या किंवा सुकलेली साल काढावी. त्यानंतर त्वरित काबेन्डाझीम १ ग्रॅम प्रतिलिटर पाणी याप्रमाणे फवारणी करावी.
- जानेवारी व फेब्रुवारी महिन्यात अांबीया बहर घेण्याकरिता झाडाला ताबडतोब ताण द्यावा. पाणी देऊ नये. अधिक चांगल्या प्रकारे ताण देण्यासाठी डिसेंबरच्या शेवटच्या आठवड्यामध्ये क्लोरमेक्वॉट क्लोराईड २ मिलि प्रतिलिटर पाणी याप्रमाणे फवारणी करावी.
- झाडाखालील तणे काढून बाग स्वच्छ करावी.
- बुंध्याजवळ मातीचे ढीग असल्यास त्यांना तोडून मोकळे करून घ्यावे.

🍊 *मृग बहर व्यवस्थापन* 🍊

- मृग बहर धरलेल्या संत्रा व मोसंबी झाडांसाठी ठिंबक सिंचन पद्धतीने सिंचन करावे. या काळात ६ वर्षांच्या झाडाला प्रतिदिन ४१ लिटर, ८ वर्षांच्या झाडाला ६५ लिटर, आणि १० वर्षांच्या झाडाला ८२ लिटर पाणी द्यावे.
- लिंबू झाडांसाठी ६ वर्षे वयाच्या झाडाला प्रतिदिन २३ लिटर, १० वर्षांच्या झाडाला ७५ लिटर पाणी द्यावे.
- मृग बहराच्या फळांचा आकार वाढविण्याकरिता, फवारणी
- एक ग्रॅम जिबरेलिक आम्ल अधिक मोनो पोटॅशिअम फाॅस्फेट किंवा डाय अमोनियम फॉस्फेट किंवा पोटॅशिअम नायट्रेट यापैकी एक १.५ किलो प्रति १०० लिटर पाणी.
- १५-२० दिवसांच्या अंतराने दोन फवारण्या कराव्यात.

https://www.facebook.com/groups/1793392297578307/

🐛 *कीड व्यवस्थापन* 🐛

लिंबूवरील पाने पोखरणाऱ्या अळीच्या नियंत्रणासाठी,फवारणी प्रतिलिटर पाणी
क्विनालफाॅस दीड मिलि किंवा नोव्हॅल्युरॉन १ मिलि. किंवा डायमिथोएट १.५ मिलि.
- आवश्यकता भासल्यास वरीलपैकी कीटकनाशक बदलून पुढील फवारणी १५ दिवसांच्या अंतराने घ्यावी.
- या महिन्यामध्ये मृग बहरांच्या फळांवर कोळी कीडीचा प्रादुर्भाव दिसतो. कोळी प्रादुर्भावामुळे हिरव्या फळांवर तांबूस रंगाचे चट्टे दिसतात. पुढे हळूहळू ते काळ्या रंगाचे होतात. स्थानिक भाषेमध्ये त्याला ‘लाल्या’ संबोधले जाते.
- कोळी नियंत्रणाकरिता, फवारणी प्रतिलिटर पाणी
डायकोफाॅल १.५ मिलि. किंवा इथिआॅन २ मिलि. किंवा द्राव्य गंधक ३ ग्रॅम
- आवश्यकता भासल्यास दुसरी फवारणी १५ दिवसांच्या अंतराने घ्यावी.

🍋 *रोग व्यवस्थापन* 🍋

- झाडाच्या बुंध्यावर २ फुटांपर्यंत बोर्डोपेस्ट ब्रशने लावावी. बोर्डोपेस्ट तयार करण्याकरिता १ किलो मोरचूद व १ किलो चुना प्रत्येकी ५ लिटर पाण्यात वेगवेगळा रात्रभर भिजवावा. दुसऱ्या दिवशी सकाळी एकत्र करून पेस्ट करावी.
- संत्रा झाडाच्या बुंध्यामधून डिंक्याचा स्राव सुरू असल्यास तीक्ष्ण चाकूने खरडून स्वच्छ करून घ्यावा. त्या ठिकाणी मेटॅलॅक्झील एम अधिक मॅन्कोझेब (संयुक्त बुरशीनाशक) किंवा फोसेटील एएल यांची पेस्ट बनवून लावावी.

☎  *अधिक माहितीकरिता संपर्क-*
*डाॅ. एम. एस. लदानिया*,
०७१२-२५००३२५
*दिनकरनाथ गर्ग*,
९८२२३६९०३०
(केंद्रीय लिंबूवर्गीय फळ संशोधन संस्था, नागपूर)

📚 *स्ञोत-* ॲगोवन

_*​​​​|| कृषिमूलम् जगत् सर्वम् ||​​​​*_

*​​फेसबूक ग्रूप-​​*
https://www.facebook.com/groups/1793392297578307/

*​​टेलेग्राम चॅनेल-​​*
https://t.me/krushisamarpan

🎖 *अल्पावधीमध्ये '1 लाखांपेक्षा जास्त व्हिवस्' मिळवलेल्या एकात्मिक शेतीविषयक अग्रगण्य ब्लॉगला आजच भेट द्या...* 🎖
krushisamarpan.blogspot.in

_*अधिकाधिक शेअर करा...*_